'വിഷു ആഹ്ളാദപൂർവം ആഘോഷിക്കണം'; രണ്ട് മാസത്തെ പെൻഷൻ ഒരുമിച്ച് വിതരണം ചെയ്യാൻ സർക്കാർ

തിരുവനന്തപുരം: രണ്ട് മാസത്തെ സാമൂഹ്യ സുരക്ഷാ (Social Security Pension), ക്ഷേമനിധി പെൻഷനുകൾ (Welfare Pension) ഒരുമിച്ച് വിതരണം ചെയ്യാൻ കേരള സർക്കാർ (Kerala Government). വിഷു പ്രമാണിച്ച് പെൻഷനുകൾ ഒരുമിച്ച് വിതരണം ചെയ്യാനുള്ള സർക്കാരിന്റെ തീരുമാനം മുഖ്യമന്ത്രി പിണറായി വിജയനാണ് (CM Pinarayi Vijayan) അറിയിച്ചത്. 56,97,455 പേർക്ക് 3,200 രൂപ വീതമാണ് പെൻഷൻ തുകയായി ലഭിക്കുക. മാർച്ചിലെ ഗഡുവിനൊപ്പം ഏപ്രിൽ മാസത്തെ ഗഡു കൂടി മുൻകൂറായി നൽകുവാനാണ് തീരുമാനം. ഇതിനായി 1,746.44 കോടി രൂപ വകയിരുത്തിയിട്ടുണ്ടെന്നും ഏപ്രിൽ 14 ന് മുന്നോടിയായി പെൻഷൻ വിതരണം പൂർത്തിയാക്കുമെന്നും മുഖ്യമന്ത്രി അറിയിച്ചു.